La filozofo Descartes [dekart] estis invitita al tre riĉa regalo, kaj manĝis tie kun granda apetito.

La aristokrato, princo Duras, kiu ĉe-estis kaj observis la filozofon manĝanta la dolĉajn manĝaĵojn, turnis sin al li kaj diris: "Ĉu tio signifas, ke ankaŭ la filozofoj ŝatas dorloti sin per dolĉaj manĝaĵoj?"

– "Kial ne?" respondis Descartes. "Ĉu vi opinias ke la naturo kreis tiujn bonajn manĝaĵojn nur por la sen-sci-uloj kaj arogantuloj?"

Generalo Ĵinó, kiu poste ricevis la titolon "Princo de Obrantes", estis unu tagon informita, ke lia edzino estas amatino de grafo Metternich, kiu funkciis kiel ambasadoro de Aŭstrujo en Parizo.

La generalo tuj turnis sin al Napoleono kaj postulis ke li mal-proksim-igu grafon Metternich el Parizo.

Napoleono respondis al sia generalo: "Se mi komencos interesiĝi kaj okupiĝi pri la amindumoj kaj am-intrigoj kiuj okazas en mia kortego, mi ne havos tempon por okupiĝi pri la bono de Eŭropo!..."